വേനലിൽ ചെക്കുന്നു മലയിലേക്ക്

മലപ്പുറം അരീക്കോട് അടുത്ത് ഈസ്റ്റ് ചാത്തല്ലൂർ നിന്നാണ് ചെക്കുന്നു മലയിലേക്ക്  ട്രെക്കിങ് തുടങ്ങുന്നത് , ഓഫീസിലെ സ്റ്റാഫിന്റെ നേതൃത്വത്തിൽ ഫോറെസ്റ്റിന്റെ അനുവാദത്തോടെ നടത്തിയ ഒരു യാത്രയാണ്

ആദ്യമേ പറയാം ഈ യാത്ര ഞങ്ങൾ ധരിച്ചതിലും വളരെ കഠിനമായിരുന്നു , രാവിലെ 7 മണിയോടെ യാത്ര തുടങ്ങി 11 ഓടെ അവസാനിപ്പിക്കാൻ ആയിരുന്നു പ്ലാൻ , 7 മണിക്കുതന്നെ സ്ഥലത്തെത്തി ,പ്രദേശവാസി കാണിച്ചു തന്ന വഴിയേ യാത്ര തുടങ്ങി കുറെ വഴികളുണ്ട് മുകളിലേക്കെത്താൻ റോഡ്‌ മാർഗം പോയാൽ വളരെ അടുത്ത് വരെ റോഡ് എത്തിച്ചേരും ആ വഴിയായിരുന്നു ഞങ്ങളുടെ ലക്‌ഷ്യം


യാത്ര തുടങ്ങി അതികം വൈകാതെ വഴി മാറിയത് ഞങ്ങൾ തിരിച്ചറിഞ്ഞു , യാത്ര തുടരാം എന്ന ഭൂരിപക്ഷ നിർദേശത്തിൽ യാത്ര തുടർന്നു , റബ്ബർ എസ്റ്റേറ്റിലെ ടാപ്പിങ് തൊഴിലാളി പറഞ്ഞതനുസരിച്ചു 2 മണിക്കൂറോളം യാത്രയുണ്ട് ഈ വഴിയേ

ആദിവാസി കോളനിയിൽ

 

 

ദൂരെ നിന്നും ചെക്കുന്ന് കാണാമായിരുന്നു , അതികം ഉയരം തോന്നിചില്ല ആദിവാസി കോളനി ദൂരെ നിന്ന് കണ്ടു തുടങ്ങി , ദാരിദ്ര്യം ശരിക്കും കാണാമായിരുന്നു അവരുടെ മുഖങ്ങളിൽ , ഭക്ഷണം ചോദിച്ച അമ്മൂമ്മക്ക്‌ കയ്യിലെ കാരക്കയും മറ്റു ലഘു ഭക്ഷണവും കൊടുത്തു , തിരിച്ചു വരുമ്പോൾ ഭക്ഷണത്തിന്റെ ഒരു പങ്ക് കൊടുക്കാമെന്ന് എല്ലാവരും തീരുമാനിച്ചു പക്ഷെ സാധിച്ചില്ല , മയിലാടിആദിവാസി കോളനി ആണിതെന്നു കേട്ടറിവിൽ ഊഹിച്ചു , ഒരു 4 കുടുംബങ്ങൾ പാർക്കുന്നു , ഇതിനപ്പുറം വേറെ ഊരുകൾ ഉണ്ട് .

ഞങ്ങളെ വീക്ഷിക്കുന്ന അമ്മൂമ

ചെക്കുന്നിന്റെ പേരിനു പിന്നില്‍ രസകരമായ ഒരു ചരിത്രമുണ്ട്.ബ്രിട്ടീഷുകാരില്‍ നിന്ന് രക്ഷപ്പെടാന്‍ ഒരു ശൈഖ് ഈ മലയില്‍ ഒളിച്ചിരുന്നുവത്രേ! ശൈഖ് ഒളിച്ച കുന്ന് ശൈഖ് കുന്നും പിന്നീട് ചെക്കുന്നും ആയി.ഈ ശൈഖിന്റെ സമ്പാദ്യം മലയില്‍ ഒരു കുളത്തില്‍ ഭൂതങ്ങളുടെ കാവലില്‍ ഇന്നും നിലനില്‍ക്കുന്നുണ്ടെന്നത് ഇവിടുത്തെ മുത്തശ്ശിക്കഥ മുന്നേ കേട്ടിട്ടുണ്ട് സത്യം എന്താണെന്ന് അറിയില്ല .

കൊല്ലം കൊല്ലി വെള്ളച്ചാട്ടം പ്രസിദ്ധമാണ് , വർഷത്തിൽ ഒരാൾ എങ്കിലും മരിക്കുന്ന അവസ്ഥയിൽ നിന്ന് ഉരുത്തിരിഞ്ഞതാണ് ഈ പേരെന്ന് കേട്ടറിവ് , ഈ യാത്രയിൽ ഞങ്ങൾ ആ വെള്ളച്ചാട്ടം കണ്ടില്ല , വേനലിൽ വെള്ളമില്ലാത്തതാകാം അതോ വഴി മാറിയതാണോ അറിവില്ല

ഞഞങ്ങളുടെ എല്ലാ കണക്കു കൂട്ടലും തെറ്റി തുടങ്ങി ,2 മണിക്കൂർ കഴിഞ്ഞിട്ടും ചെക്കുന്ന് അടുക്കും തോറും ദൂരേക്ക് പോകുന്നു , കൂട്ടത്തിലെ ചെറിയ സഞ്ചാരി ആയിഷ വളരെ സന്തോഷവതിയാണ് , എൽ പി സ്കൂളിൽ പഠിക്കുന്നു , അവളെന്നെ അത്ഭുദപ്പെടുത്തി , ആദിവാസി കോളനിയുടെ മുകളിലൂടെ കുറെ ഏറെ നടന്നു ചെങ്കുത്തായ മല , ഒരിടത്തു വലിയ കയറു വലിച്ചു കെട്ടിയിരിക്കുന്നു , ആദിവാസികളാകാം അത് ചെയ്തത് , എന്തുതന്നെ ആയാലും മലകയറ്റത്തിനു സഹായമായി ,

കൂട്ടത്തിലെ ചെറിയ സഹയാത്രിക

ചെക്കുന്നു വളരെ അടുത്തായപോലെ , പക്ഷെ ഇനി മുകളിലോട്ട് യാത്ര ദുഷ്കരം തന്നെ അയിഷയും ഉമ്മയും അടക്കം 4 പേർ മുന്നോട്ടില്ല എന്ന തീരുമാനമെടുത്തു , ഫുഡ് ഞങ്ങൾ കരുതി മുകളിലെ അവസ്ഥപോലെ അവർ പിന്തുടരാം എന്നുറപ്പുതന്നു ഞങ്ങൾ മുന്നോട് തന്നെ

വേനലിലും പച്ചവിരിച്‌ ചെക്കുന്ന്

കുറെ ഏറെ നടന്നപ്പോൾ ചെങ്കുത്തായ മലനിരകൾ അപ്രത്യക്ഷമായി തുടങ്ങി , ഞങ്ങൾ അവരോട് തിരിച്ചിറങ്ങാൻ നിർദേശം കൊടുത്തു മുകളിലോട്ടുള്ള യാത്ര അവർക്ക് ദുഷ്കരം തന്നെ

മുകളിലെത്തിയപ്പോഴേക്കും നട്ടുച്ച സമയം നല്ല വെയിൽ ശരിക്കും യാത്ര മടുത്തു തുടങ്ങി , കയ്യിലുള്ള വെള്ളം തീർന്നു ,  ചെക്കുന്നിൻ്റെ സൗന്ദര്യം ആസ്വദിച്ചു തുടങ്ങിയപ്പോൾ ക്ഷീണം പതിയെ ഇല്ലാതായി  , ഒരാൾ പൊക്കമുള്ള ഈറ്റപ്പുല്ലിലൂടെയുള്ള യാത്ര അതി മനോഹരം ,

മുകളിൽ വ്യൂ പോയിന്റിൽ താഴെ പച്ചപ്പ് നിറഞ്ഞ മല നിരകളും നീലാകാശവും വള്ളിക്കെട്ടുകൾ നിറഞ്ഞ തുരുത്തിൽ ഇരുന്നു കുറെ നേരം ആസ്വദിച്ചു , കൂടെ കരുതിയ ഭക്ഷണം കുറച്ചു കഴിച്ചു , ബാക്കി ഒരുമിച്ചു കഴിക്കാം എന്ന തീരുമാനമെടുത്തു .

വ്യൂ പോയിൻറ്

തിരിച്ചിറക്കം ഒരു ചോദ്യചിഹ്നമായിരുന്നു കേറിയ വഴിയേ ഇറങ്ങുന്നത് ദുഷ്കരവും സമയ നഷ്ടവും ആയതിനാൽ ആ വഴി തിരസ്കരിച്ചു , bsnl റേഞ്ച് ലഭിച്ചപ്പോൾ ഗൂഗിൾ മാപ്പിന്റെ സഹായം തേടി , വ്യൂ പോയിന്റിൽ നിന്നും വളരെ അടുത്ത് റോഡ് കാണുന്നു , ഷാമിലും റംസിയും , വഴി തിരഞ്ഞിറങ്ങി , ഞങ്ങൾ അവർക്കായി കാത്തിരുന്നു അര മണിക്കൂറിനു ശേഷം ഞങ്ങൾക്ക് ഫോൺ വന്നു , അവർ വന്ന വഴിയേ ഇറങ്ങാൻ

ചെക്കുന്നിൻ്റെ മുകളിൽ

വന്ന വഴിയെക്കാൾ ദുഷ്കരം , പലരും പലവട്ടം വഴുതി വീണു ഒരാൾ പൊക്കത്തിലുള്ള പുൽമേട്ടിൽ പലപ്പോഴും തമ്മിൽ കാണുന്നില്ലായിരുന്നു , എന്നിരുന്നാലും 40 മിനുട്ടോളം മലയിറങ്ങി ആദിവാസി കോളനിയിൽ എത്തി , ഇത് മുന്നേ കണ്ട കോളനിയല്ല , അവിടെ നിന്നും അവരോട് വെള്ളം വാങ്ങി കുടിച്ചു ദാഹമകറ്റും വരെ , കുടിവെള്ളം ദൂരെ നിന്നും കൊണ്ടുവരുന്നതാണ് , പൈപ്പ് വഴി മഴക്കാലത്തു വെള്ളം വരും എന്നും അവർ പറഞ്ഞു .

മുകളിലെ പച്ച തുരുത്ത്

ഈ യാത്രയിൽ മലകയറ്റവും മല ഇറക്കവും വഴി തെറ്റി പോയെന്നു താഴെ ഇറങ്ങിയപ്പോൾ പ്രദേശവാസികളായ ചെറുപ്പക്കാർ പറഞ്ഞു , നേരെയുള്ള വഴിയിൽ ഞങ്ങൾ എടുത്ത റിസ്കിൻ്റെ പകുതിയേ വരൂ എന്നും അവർ പറഞ്ഞു എന്നിരുന്നാലും ചെക്കുന്നു നിരാശപ്പെടുത്തിയില്ല .

Posts created 26

5 thoughts on “വേനലിൽ ചെക്കുന്നു മലയിലേക്ക്

  1. നന്നായി വിവരണം. ഈ യാത്രയിൽ ഞാനും ഉണ്ടായിരുന്നു. തിരിച്ചിറങ്ങാൽ പെട്ട പാടും അതിലെ ഒരു ത്രില്ലും കൂടി നന്നായി വിവരിക്കാമായിരുന്നു. ഫോട്ടോസ് അടിപൊളി..

  2. Very good narration. Although during the time of hiking we were exhausted, it is fun to reminisce about the trip now. Reading this article brings a smile.

Leave a Reply

Your email address will not be published. Required fields are marked *

Related Posts

Begin typing your search term above and press enter to search. Press ESC to cancel.

Back To Top